couplets from faiz

meri teri nigaah main jo laakh intezaar hain,

jo mere tere tan badan main laakh dil figaar hain,

jo meri teri ungliyon ki be hisi se sab qalam nazaar hain,

jo mere tere shehr ki har ik gali me

mere tere naqsh e pa kay be nishaan mazaar hain.

jo meri teri raat ke sitaare zakhm zakhm hain,

jo meri teri subh ke gulaab chaak chaak hain,

yeh zakhm saarey be dawa,yeh chaak saarey be rafu,

kisi pe raakh chaand ki,kisi pe os ka lahu,

yeh hain bhi ya nahin bata,

yeh hain,ki mehz jaal hain,

mere tumhare ankaboot e vehm ka buna hua

jo hai to is ka kya karen,

nahin hai to bhi kya karen,

bataa,bataa,

bataa,bataa...............???